Filia praemissa est, Catharinae nomine dicta Matris, Schönfelto juncta marita suo. Tres post te vivunt, Thalamo quarum unica clara Rudbecki; geminae caelibe luce tuis Dulce levamen erant annis, placidaeque senectae Tam bene transactae meta suprema DEUS. Per tria lustra Senex geminato lumine cassus, Vixisti cunctis integer officiis. Nobis, qui claris oculis gaudemus utrisque, Plus datur his probri cernere quam decoris. Libera ab externis divinae portio mentis Sensibus internum majus acumen habet, Et redit in sese, curis terraque soluta Clarius aethereo lumen ab orbe capit. VIVE UT IN HOC VIVAS, Vitae tibi Symbolon actae, Et nunc praesentis votum erat ante tuae. Quod cum non poteras mortali corpore cinctus Assequi, in aeterna sede locatus habes, VIVEet in hac vera jam nunc praefulgide vita SALVE, atque humano major honore VALE ! . .
RkJQdWJsaXNoZXIy MjYyNDk=