RSK 7

Dimissus nostro disjunctos orbe Britannos, Regnaque JACOBORege beata petis. Inde redux partes commissi muneris ornas, Doctrinae laudes amplificasque tuae. Promptus eras Graeco, et quali sermone Latina Musa olim Albano monte loqvuta fuit. Seu numeris solvenda suis, seu verba liganda, Tu fueras gemino promptus in eloquio. Hoc decores multi, Tibi scripsit Vossius ipse, Miratus gelido lumen hoc esse loco. Rex obiens patriam MAGNUS GUSTAVUS ADOLPHUS Inclita doctorum nomina rara rogat. Respondit Regi praeses Wesmannicus: “Idem Dalcarlus tantae pondera laudis habet.” Rex “meus” inquit “erit”, Finnis supremaque formans Jura sacris Themidos inserit ipse suae. Tradit et in vasta Skyttus regione Johannes Jura secunda suo sancta regenda foro. Fers hic opem cunctis poscentibus artis inemptae, Justitiae officium cum pietate geris: Juraque in multos diversis debita causis, Personis, meritis, tempore distribuis, Legibus ante ferens morumque exempla bonorum, Qui si non pravi, lex bona nulla foret. REGINAArctoi regni clarissima Princeps,               . 

RkJQdWJsaXNoZXIy MjYyNDk=