Fatali luxus cardine vertit iners. His Tu praeceptis, per mille oracula fandi Doctus, facundus verteris in Patriam: Scriptaque conquereris pelagi periisse furore, Mansit, quae numquam, mens, bene culta perit. Te reducem digno PRAESUL RUDBECKIUS ornans Officio, studiis praeficit ipse styli. Mandat ac ut doceas civilis dogmata vitae Juraque Svecani litigiosa fori. Pulcher honos fidum, et titulis laus rara Sophiae Exornat socium jure graduque suum. Inde alias iterum vadis peregrinus in oras, Quas passim Prussus, Belga, Britoque colunt. Prutheno extrusum vidisti littore Regem, Impia qui patriae moverat arma suae, Oppida victa manu, manantem sanguine terram, Justaque GUSTAVOquas dedit ira faces. Vidisti motus, quos vasta cupido ciebat, Et quae vana sibi regna parabat Iber. Vidisti Auriaci felicia Principis arma Et Batavos sensim tollere colla jugo, Ac tumidos hostes fluidum spoliare per orbem, Foedera cum Svecis cultaque Sancta tuis. Corpus praedo tuum Duynkirkae carcere clausit, Libera vota Deo claudere non potuit. . . .
RkJQdWJsaXNoZXIy MjYyNDk=